may 16, 2018 Nitin Manna

7:38
 
Share
 

Manage episode 205957875 series 1067883
By Discovered by Player FM and our community — copyright is owned by the publisher, not Player FM, and audio streamed directly from their servers.

NITIN MANNA

May 16

Tlawngkai Nithum

A Zate’n Fehter Thluh Aw

Sikhalsehla maw Bawipa, ka rinsanmi cu Nangmah na si;

Nangmah cu ka Pathian na si. Ka ziangzongza Na kut ah a um.

Ka ral pawl le in hremtu pawl kut in i hum hram aw.

– Saam 31:14-15

Ka pasal cu ka fanute Hope kil in inn ih a um man ruangah Bible study ka feh thei. January thla zing khat cu class ka ttheh ih ka motor sung ka thlen vete’n inn phone in kan pa ka ko. Phone a kai lo. Ziangruangah si pei aw? ti’n ka mangbang. A mobile phone ah ka ko saal. A telephone a kai. “Khui ah na si?” ti’n ka sut.

“Kan ttha thluh ko,” ti’n in sawn. Doctor Ladd ih office ah kan um, asinan Hope ruangah a si lo,” ti’n a peh. Matt sawn a tla ih a hmailam haa a beuh” a ti. Ka thaw ka hiip ih malte sung cu zianghman sim thei loin ka um. Ka khuaruahak sungah ttihnak a lut, Hope lawng si loin Matt tla maw kan sunral bet ding, ti’n ka ruat. Cuih zaan cu kan pa thawn thu kan rel rero ih Hope a dam lo ding cu ziangtittha, Matt tal cu zianghman cang hram hlah seh, kan ti. Asinan thukpi’n kan ruat tikah kan thinlung zate’n Pathian kan rinsan ih, “Bawipa, ziangkim hi Nangmai’ taa hlir an si, Na duh bangin si ko seh,” ti’n thla kan cam.

Thutak cu hiti’n a si: hih leitlun kan nunnak sungih ziangkim hi nuam tete’n feh liamter thluh an silai ding. Nunnak timi cu kan neih thilri cemral cuahconak le kan duhdawt mi ih liamsan vingvonak a si ko. Kan hlohralmi pawl in kan nunram ah tuarnatnak in taanta. Sikhalsehla, kan thilri neihmi pawl le kan duhdawtmi nulepa ulenau fanu fapa pawl tla hi Bawipa in a laangte sung in hlan sungmi an si, timi thutak kan theih fiang ahcun kan thlahphoih thei dingih A zawnruahnak sungah tuar theinak thazaang kan nei thei ding a si.

Bawipa Pathian, in pekmi ziangkim parah le

na laak saalmi parah ka lung a awi.

Ka neihmi thilri le ka duhdawtmi zate thawn ka lo rinsan.

Nikhat ni ni ahcun tthen awk ti a um nawn lo leh ding.

  • Nancy Guthrie

Hih leitlun kan nunnak sungih thil ziangkim hi

Nuam tete’n an feh liam thluh lai ding

791 episodes available. A new episode about every day averaging 7 mins duration .