Nagin’istorgia è innocenta
MP3•Episode home
Manage episode 433570530 series 3017674
Content provided by Radiotelevisiun Svizra Rumantscha (RTR). All podcast content including episodes, graphics, and podcast descriptions are uploaded and provided directly by Radiotelevisiun Svizra Rumantscha (RTR) or their podcast platform partner. If you believe someone is using your copyrighted work without your permission, you can follow the process outlined here https://player.fm/legal.
«Nagin'istorgia è innocenta. Tgi che quinta, sa metta en privel. Tgi che tascha, s'isolescha.» Questas frasas marcantas sa chattan en il cudeschs: «Ta salva, la vita cloma», da Boris Cyrulnik. Cyrulnik è nat il 1937 en Frantscha. Sco uffant gidieu ha el survivì la Segunda Guerra mundiala mo cun gronda fortuna. Ses geniturs èn vegnids deportads e mazzads ad Auschwitz. Oz è Boris Cyrulnik neurolog e psichiater. Ses champ spezial è la resilienza, vul dir la capacitad d'in uman da tegnair ora e surviver situaziuns extremas senza ir en paglia vidlonder. Daco han ils ins ina gronda resilienza ed auters betg? Cyrulnik va a maun da sia biografia a la tschertga da respostas, preschentadas qua en in'emissiun da la teologa e scienziada da religiun Chatrina Gaudenz. Dal 2007 enfin il 2016 ha RTR emess emna per emna l'emissiun FORUM. Persunas dal fatg or dal champ da la scienza han preschentà, declerà ed analisà fenomens, svilups e dumondas da la vita e da la societad. Pliras da questas analisas ed invistas èn restadas actualas. Il schaner da quest onn èn vegnids tschentads, en preschientscha da Boris Cyrulnik, a Bordeaux dus «craps da stgarpitsch» en furma d'ina salaschada commemorativa per ils geniturs Nadia ed Aaron Cyrulnik.
…
continue reading
52 episodes