G - 20 ШЭРИЛ СЭНДБЕРГ"МАНЛАЙЛАГЧ ЭМЭГТЭЙЧҮҮД ЯАГААД ЦӨӨХӨН БАЙНА ВЭ?"илтгэл

Business Radio Podcast

1. Шэрил Сэндберг нь 1969.08.28-ны өдөр АНУ-ын Вашингтон хотод төржээ. Түүнийг 2 настай байхад нь гэр бүлийнхэн нь Флорида мужийн Миами хот руу нүүж хожим нь тэрээр 1987 онд ахлах сургуулиа 4.6 голч дүнтэй төгсөж Харвардын их сургуульд Эдийн засагч мэргэжлээр суралцах болов. 1991 онд түүний дипломын удирдагч багш Лооринс Саммер Дэлхийн банкинд ахлах эдийн засагчийн албан тушаалд томилогдон ажилласан нь Шэрилийг дэлхийн банкинд туслахаар ажиллаж, ажлын гараагаа эхлэхэд чухал нөлөө үзүүлжээ. Тэрээр 2 жилийн туршид Дэлхийн банкинд ажиллаж Харвардын Их сургуульд Бизнесийн Удирдлагын Магистр чиглэлээр суралцахаар ажлаасаа гарсан байна. Шэрил 1995 онд магистрын зэргээ авчээ. 1999 онд Саммер болон Шэрил хоёр хувь тавилангаар дахин учирч, Саммер түүнд засгийн газарт нарийн бичгийн даргаар ажиллах санал тавьжээ. Шэрил засгийн газрын удирдлага солигдох хүртэл буюу 2001 он хүртэл засгийн газарт нарийн бичгийн даргаар ажилласан юм. Тэрээр 2001-2008 оноос Гүүглэ компанийн олон улсын онлайн худалдаа, үйл ажиллагаа хариуцсан дэд ерөнхийлөгчөөр томилогдон ажиллах болжээ. 2008 оноос эхлэн Шэрил Фэйсбүүк компанид Үйл ажиллагаа хариуцсан захирлын албан тушаал хаших болсон бөгөөд тэрээр байгууллагын борлуулалтын төлөвлөгөө, бизнесийн цар хүрээ, хүний нөөцийн асуудал гээд бүх үйл ажиллагааг хариуцан ажиллах болсон юм. 2012 онд Фэйсбүүк компанийн төлөөлөн удирдах зөвлөлийн анхны эмэгтэй гишүүн болсон 2. 2012 онд Тайм сэтгүүлээс гаргасан дэлхийн 100 нөлөө бүхий хүний жагсаалтад багтсан 3. Форчун сэтгүүлээс гаргадаг “Бизнесийн салбар дахь хамгийн хүчирхэг 50 эмэгтэйчүүд”-ийн жагсаалтад 2007, 2008, 2009, 2010, 2014, 2016 онуудад нэрлэгдсэн 4. 2009 онд “Вебийн салбар дахь хамгийн нөлөө бүхий 25 хүн” жагсаалтад нэрлэгдсэн 5. 2013 онд өөрийн “Лийн Ин буюу Эмэгтэйчүүдийн манлайлал, ажил эрхлэлтийн эрх тэгш байдлын талаар бичсэн номоо гаргасан нь бестселлэр болж дэлхий даяар сая гаруй хувь худалдаалагджээ.